Қойгелді атындағы орта мектеп түлектері

Бұқаралық спорт жəне дене шынықтыруды дамыту мəселесі ұлт саулығын қамтамасыз ету, Халықаралық дəрежедегі Қазақстан спорт жұлдыздарын дəріптеу арқылы оқушылардың спортқа қызығушылығын арттыру, жас ұрпақты атақты спортшылардың өмірімен таныстыру, олардан үлгі алуға, өнеге тұтуға шақыру, спортпен шұғылдануға баулу, баладардың бойындағы спортқа деген құлшыныстарын ояту, спортты жəне салауатты өмірді насихаттау мақсатында Қойгелді атындағы орта мектебінде спортшылармен  мотивациялық кездесу болып өтті. Мотивациялық кездесулер барша жастарды өздерінің əлеуетін белсенді жүзеге асыруға, мүмкіндіктерін барынша пайдалануға, заманауи білім алып, күннен-күнге шыңдала түсуді іске асыруға бағытталған. Кездесуге мектеп түлектері Ғ.Əбеков, Н.Əйтенов жəне Қаратау қаласы 31 балалар мен жасөспірімдер спорт мектебінің дзюдо бөлімінің жаттықтырушылары Д.Қуатов пен Ж.Əміртаева қатысты. Аталған қонақтардың барлығы қазақша күрес жəне дзюдодан республикалық , облыстық жарыстардан жүлделі болған спорт шеберлері. Бұл кездесу оқушылардың спортқа деген қызығушылығын арттыра түсті деп сеніммен айта аламыз. Мектеп ұжымы атынан үлгі тұтар  спортшыларымызға сəттілік тілеп, отбастарыңыза амандық тілейміз.Мұндай кездесулер əлі де өз жалғасын таба бермек.