Филология ғылымдарының докторы, Абылай хан атындағы Қазақ халықаралық қатынастар және Әлем тілдері университеті профессоры Есеналиева Жанар Жорабекқызы 1961 жылы 16 сәуірде Жамбыл облысы Қаратау қаласында өмірге келген. 1968-1978 жылдары Тамды орта мектебінде оқыды. 1980-1985 жылдары С.М.Киров атындағы Қазақ мемлекеттік университетінде (қазіргі әл-Фараби атындағы Қазақтың ұлттық университетінде) филология факультетінің араб бөлімін қызыл дипломға бітіріп, филолог, араб, қазақ тілі мен әдебиеті оқытушысы мамандығын алды. 1986-1991 жылдары мен Қазақ ҚСР Ғылым академиясы Тіл білімі институтында аспирантура бітірді. 1993 жылы Тіл білімі институтында «Абай шығармаларындағы араб және парсы сөздерінің қолдану ерекшеліктері» атты кандидаттық диссертация қорғады. 1991-1995 Тіл білімі институтының тіл тарихы бөлімінде -кіші ғылыми қызметкер, аға ғылыми қызметкер қызметтерін атқарды. 1995-2001 жылдары Қазақ Заң университетінің аға оқытушы болып жұмыс істеді. 2001 жылдан осы уақытқа дейін Абылай хан атындағы Қазақ халықаралық қатынастар және Әлем тілдері университетінде 20 жылға таяу жұмыс істеп келеді. Қазіргі уақытта Қазақ филологиясы кафедрасында профессор қызметін атқарады. 2010 жылы 26 ақпанда «Құрылымы әртүрлі тілдерге тән типологиялық басымдылық» атты докторлық диссертация қорғады.Ғалым қазіргі уақытта көптеген магистрлік жұмыстарға жетекшілік етумен қатар, ұстаздық жұмысты да жалғастырып келеді. Ресей Жаратылыстану академиясының корреспондент-мүшесі. 

Марапаттары: Қазақстан Республикасы Білім және ғылым министрлігінің «Алғыс хаты», Қазақстан кіші Ғылым академиясының «Мақтау грамотасы», Қоғамдық марапаттар мен атақтар жөніндегі Республикалық кеңестің «Білім беру саласының үздігі» медалі иегері.

Мен, Қайназарова Мақпал Бахытжанқызы, 1990 жылы 29 қаңтарда Жамбыл облысы Талас ауданының Тамды аулында дүниеге келдім. Әкем Қайназаров Бақытжан ветеринар дәрігер, анам Абдыкасимова Орынбала ұстаз болып қызмет атқарады.  

2007 жылы Тамды ауылындағы Қойгелді атындағы орта мектепті бітіріп, 2007-2011жж Тараз мемлекеттік педагогикалық университетінің Құқық негіздері және Экономика мамандығын аяқтадым. 2012 жылы М.Х.Дулати атындағы Тараз мемлекеттік университетінде Құқық магистрі дәрежесін алдым.  2012 жылы Университетті бітірген соң Жамбыл гуманитарлық-техникалық университетінің Құқықтану кафедрасына оқытушы болып қабылдандым. 2014-2018жж М.Х.Дулати атындағы Тараз мемлекеттік университетінің  Азаматтық құқық және азаматтық іс жүргізу құқығы кафедрасының аға оқытушысы болып қызмет атқардым. 

2018 жылы Тараз мемлекеттік педагогикалық университетінің Мемлекеттік сатып алулар бөлімінің заңгер қызметін атқардым. 

2019 жылдан бүгінгі күнге дейін М.Х.Дулати атындағы Тараз өңірлік университетінің Мемлекеттік сатып алулар және құқықтық қамтамасыз ету бөлімінің заңгер қызметін атқарамын. 

Әбеков Ғани Садуұлы 29.02.1976 ж Жамбыл облысы, Талас ауданы, Тамды ауылында дүниеге келген. 1982 жылы Тамды ауылының орта мектебіне барып, 1992 жылы сол мектепті тәмәмдаған. 1992 жылы  М.Х. Дулати атыңдағы университетінің экономика факультетіне оқуға түсіп,1994 жылы өз еркімен оқудан шығып, әскери борышын атқаруға Талдықорған облысы Үш Арал қаласында 2484 Шекара әскери бөліміне барған.       1995 жылы сол әскери бөлімнен Тәжік-Ауған шекарасына әскери ұрыс-қақтығыстарға қатысуға жіберілген. 1995 жылы қыркүйек айында әскери борышын өтеп, Қазақстанға қайта оралып, сол жылы желтоқсан айында Қарағанды облысының ІІД-де қатардағы полицей болып жұмысқа орналасып, бұрынғы оқуын жалғастырып, тәмәмдаған. Қарағанды қаласындағы Қазақстан-Ресей университетінің Заң факультетін сырттай  бітірген. 2016 жылға дейін Ішкі істер органдарында әртүрлі лауазымды басшы құрамдарда жұмыс атқарып, зейнетке шыққан.

 Марапаттары: Ішкі істер министірінің бұйрығымен Қазақстан Республикасының «Үздік полицей» төсбелгісімен марапатталған.Қазақстан «Республикасының Қылмыстық Іздестірудің 90 жылдығына жарияланған» кітабында үздік «Жедел уәкіл» конкурсының жеңімпазы ретінде еңгізілген. Қазіргі таңда Жамбыл облысы Тәжік-Ауған әскери ұрыс-қақтығыстарына қатысқан ардагерлер ұйымының төрағасы.

1976 жылы 22 сәуірде Жамбыл облысы Талас ауданы Тамды ауылында дүниеге келген. 

Еңбек жолын 1997 жылы Жамбыл университетінде «Қаржы және кредит» кафедрасында ассистент қызметінен бастады. 1998-2007 жылдары аралығында М.Х.Дулати атындағы ТарМУ-нің «Экономика» кафедрасында оқытушы, аға оқытушы, доцент міндеттерін атқарды. Деканның ғылыми жұмыстар жөніндегі орынбасары қызметін де қатар атқарып жүрді. 2007-2013 жылдар аралығында осы университетінің Ғылыми кеңесінің Ғалым хатшысы қызметі мен қатар 2008-2014 жылдар аралығында «Азаматтық құқық және кеден ісі» кафедрасының меңгерушісі қызметін атқарды. 2014-2020 жылдар аралығында Тараз мемлекеттік педагогикалық университетінің тәрбие жұмысы және әлеуметтік мәселелер жөніндегі проректор қызметін атқарды. 2020 жылдың 1-ші шілде 16 қазан аралығында М.Х. Дулати атындағы Тараз өңірлік университетінің Әдеп және сыбайлас жемқорлыққа қарсы іс-қимыл жөніндегі уәкілетті тұлға. 26 қазан 2020 жылдан бастап «Ұстаз» институтының директоры.   

Жолдасова Орынкыз Көпбосынқызы – экономика ғылымдарының кандидаты, доцент. Ғылымға сіңірген еңбегі үшін 2008 жылы Жамбыл облысы Әкімінің сыйлығына ие болған, 47-ден астам ғылыми еңбектердің, екі оқу құралдарының және бір монографияның авторы. 

Жолдасова Орынкыз Көпбосынқызы Тараз қалалық мәслихатының 7-ші шақырылым депутаты сайланды. Жамбыл облысы бойынша Іскер әйелдер қауымдастығының мүшесі-«Әйел және ғылым» секциясының жетекшісі, Жамбыл облысы «NurOtan» партиясы жанындағы мәдениетті және өнерді дамыту сұрақтары бойынша кеңес мүшесі. 

Қазақстан Республикасы Президентінің Алғыс хаттарымен, Білім және ғылым министрлігінің «Ы.Алтынсарин» төсбелгісімен,  ҚР БжҒМ Ұлттық ғылыми –практикалық дене тәрбиесі орталығының «Дене шынықтыру саласының үздік қызметкері» төсбелгісімен, Қазақстандық салалық білім және ғылым қызметкерлерінің кәсіподағының Құрмет грамотасымен, Халықаралық Невада-Семей Антиядролық Қозғалысының 30-жылдық мерекелік медалімен, Жамбыл облысы бойынша «Облысқа сіңірген еңбегі үшін» белгісімен наградалған.

Курмашева Несипкул Жайшибековна Талас ауданы Тамды ауылында 22 қыркүйек 1970 жылы дүниеге келген. 

1992-1997 жылдары «Бастауышты оқытудың  педагогикасы мен әдістемесі» мамандығы бойынша Октябрь революциясының 50 жылдығы атындағы Жамбыл педагогикалық институтында оқып, бастауыш сынып мұғалімі мамандығын алған.

           1998-2003 жылдар аралығанда Қаратау қаласы А.С.Пушкин атындағы орта мектебінде бастауыш сынып мұғалімі, 2004-2011 жылдар аралығында директордың ғылыми-әдістемелік ісі жөніндегі орынбасары қызметін атқарған. 

2004 жылы «Жылдың таңдаулы мұғалімі-2004» байқауының «Халық ағарту ісінің озық қызметкері» Қалжеш Жарқынбеков атындағы жүлденің иегері;  білім саласына сіңірген еңбегі үшін Талас аудандық маслихатының,  Жамбыл облысының Білім және ғылым қызметкерлерінің кәсіптік одағы қоғамдық бірлестігінің, Білім және ғылым министрлігінің  Құрмет грамоталарымен марапатталан.

  2012 жылдан бастап «Өрлеу» біліктілікті арттыру ұлттық орталығы» акционерлік қоғамының филиалы Жамбыл облысы бойынша педагогикалық қызметкерлерінің біліктілігін арттыру институтында әдіснама және инновациялық технологиялар кафедрасының аға оқытушысы қызметін атқарады. Қазақстан Республикасында білім беру мазмұнын жаңарту аясында бастауыш сынып пәндері бойынша тренері. Бастауышта оқытудың   педагогикасы мен әдістемесі магистрі.   

Несипкул Жайшибековна «Жарқын болашақ – білімді де, білікті ұстаздың қолында» атты облыстық «Қазақстан-Тараз» телеарнасының жүйелі сарапшысы. 

   2017 жылы мектепке дейінгі тәрбие мен оқытудың үлгілік оқу бағдарламасы бойынша мектепалды дайындық тобы мен сыныптарына енгізілейін деп жатқан «Әліппе» оқулығын /апробацияға арналған жобасы/ сараптамадан өткізу бойынша ҚР БжҒМ жұмыс тобының сараптамалық комиссия мүшесі.

1985 жылы 31 қазанда Талас ауданы, Тамды ауылында дүниеге келген. Қойгелді атындағы орта мектебінің түлегі. 2004-2008 жылдары аралығында Қазақ Мемлекеттік Қыздар педагогикалық университетінде "Қазақ тілі мен әдебиеті бакалавр" мамандығы бойынша грант бөлімін тәмәмдады. 2008 жылы Алматы қаласы, Бостандық ауданы, МКҚК №155 бөбекжай-балабақшасында тәрбиеші болып жұмыс жасады. 2010 жылы Алматы қаласы, Бостандық ауданы, МКҚК №155 бөбекжай-балабақшасында әдіскер қызметіне ауыстырылып, әдіскер болып жұмыс атқарды. 2012-2015 жылдары "Алматы университетінде "- Мектепке дейінгі оқыту және тәрбиелеу" мамандығын оқып, аяқтады. 2015 жылы Алматы қаласы, Бостандық ауданы, МКҚК №155 бөбекжай-бақшасында меңгерушінің міндетін уақытша атқарушы болып жасады. 2016 жылы 4 шілдеден Алматы қаласы, Бостандық ауданы, МКҚК №155 бөбекжай-бақшасында меңгерушісі болып жұмыс атқарады. Жетістіктері: 2009 жылы Бостандық ауданы оқу бөлімінен «Құрмет грамота». 2019 жылы Алматы қаласы «Nur Otan» партиясы Бостандық аудандық филиалынан «Алғыс хат» 2019 жылы Алматы қаласы Медиатренер Мухит Сапарбаевтың «БАҚ және мемлекеттік қызмет» шеберлік дәрісіне қатысқаны үшін Сертификат. 2020 жылы Алматы қаласы «Nur Otan» партиясы Бостандық аудандық филиалынан Алғыс хат. 2020 жылы Алматы қаласы «Nur Otan» партиясы Бостандық аудандық филиалынан Елбасы, «Nur Otan»партиясының Төрағасы Н.Ә.Назарбаевтың бастамасымен Қазақстанда жалпыұлттық деңгейде рет өткен партияның сайлауалды іріктеуі-праймеризге белсенді атсалысқаны үшін «Алғыс хат»

Үсенова Назима Абдіқадірқызы, 1969 жылы 18 желтоқсанда Жамбыл облысы, Талас ауданы, Тамды селосында туған. Ұлты - қазақ, білімім - жоғары. Қазақстан Республикасының азаматшасы. Орта мектептең кейін 1989-1994 жылдар аралығында Алматы қыздар педагогикалық институтының «Музыка бөлімін» бітірді. Жамбыл облыстық филармониясында 1994 жылдан бастап әнші болып жұмыс істейді. Ал 2013 жылдан бастап жетекшілік жұмысқа ауыстырылды.

        Облысының мәдениет саласына қосқан үлесім үшін облыс әкімінің Құрмет грамотасымен (1995), Тәуелсіздік мерекесінде облыстық мәдениет басқармасының (2000), қала әкімінің «Ең үздік әнші» аталымымен (2006), «Нұр Отан» ХДП Алғыс хатымен (2011), Ұйымдық халықтық тәуелсіз комитетінің «Көшбасшылар» байқауының «Алтын көшбасшы» аталымымен (2012), «Жамбыл-старс» жобасына белсенділік танытқаны үшін облыстық мәдениет басқармасының Алғыс хатымен (2012), балалар мен жасөспірімдер арасында жастардың шығармашылық қарым-қатынасын қалыптастырғаны үшін  «Наз» мемлекеттік би театрының қолдауымен «Баян-Сұлу» Шоу балет студиясының  Сертификатымен,  Қазақ хандығының 550 жылдығына орай облыс әкімінің Алғыс хатымен (2015) марапатталды.

2016  жылдан бастап Жамбыл облыстық филармониясында қосымша Кәсіподақ комитетінің төрайымы қызметіне тағайындалды.

Қазақстан Республикасының Мәдениет саласының үздігі төс белгісімен марапатталды (2017). 2018 жылы 21 қараша «Астана 20 жыл» мерекелік медалімен наградталды.

2020 жылы пандемияға байланысты facebook, instagram әлеуметтік желілерінде жеке шығармашылық ән кешін онлайн берді. 

Н.А.Үсенова – әртістердің шығармашылық қабілетін арттыруда, өздік танымдық біліктілігін дамытуда үлес қосып келеді. Сонымен қатар облыстағы қоғамдық жұмыстарға да белсене араласуда. Білікті маман. Адамгершілік, сыйластық деген ұғымдарды бірінші орынға қояды. Ұжыммен тіл табысқыш, әріптестеріне, әсіресе жас мамандарға көмегін аямайды. Облыс көлемінде өтіп жүрген концерттік бағдарламалардың жоғары деңгейде   ұйымдастырылуына белсене қатысады.